473. Madhwa Marriage – Part V

என்னுடைய மாத்வா திருமண நிகழ்வுகளைப் பற்றின முதல் நான்கு வலைப் பதிவுகளைப் படித்தமைக்கு மிக்க நன்றி.      முகூர்த்த தின நிகழ்வுகளைப் பார்த்து முடித்து விட்டோம். அடுத்த நாள் இன்னும் சில நிகழ்ச்சிகள் பாக்கியுள்ளன. அவை என்னென்னவென்று பார்ப்போமா !

39.ஷேமத்தண்டல் : பெண்ணின் பெற்றோர் பெண்ணுக்காக வாங்கிய தங்கம், வெள்ளி ஆபரணங்கள், பாத்திர பண்டங்கள், வீட்டு உபயோகப் பொருட்கள், மளிகை சாமான்கள் ஆகியவற்றை பார்வைக்கு வைப்பார்கள். எல்லோரும் பார்த்தபின், பேக் செய்து. மாப்பிள்ளை வீட்டார் கிளம்பும் போது, அனுப்பி விடுவார்கள்.

40.மாப்பிள்ளைவீட்டார் விருந்து : அன்று பெண்ணின் பெற்றோர் பெண், மாப்பிளையைத் தங்கள் வீட்டுக்கு அழைத்துச் சென்று பால், பழம் கொடுப்பார்கள். அதன்பின், மாப்பிள்ளை வீட்டார், பெண் வீட்டாருக்கு விருந்து வைப்பார்கள்.

41.கட்டுச்சாதம் : பெண் வீட்டார், மாப்பிள்ளை வீட்டார் கிளம்பும்போது, பலவகை கலந்த சாதங்கள் செய்து கட்டித் தருவார்கள். சீர் முறுக்குகள், இனிப்பு, காரம் வகைகளில் சிலது போன்றவையும் கட்டித் தருவார்கள்.

42.பெண் மாப்பிள்ளை வீட்டுக்குக் கிளம்புதல் : மாப்பிள்ளை வீட்டார் அதன் பின் பெண்ணைத் தங்கள் வீட்டுக்கு அழைத்துச் செல்வார்கள். பெண்ணுடன் பெண்ணின் பெற்றோர் உடன் செல்லும் வழக்கமில்லை. அத்தை, மாமா உறவு முறை உள்ளவர்கள் பெண்ணை மாப்பிள்ளை வீட்டில் விட்டுவிட்டுத் திரும்புவார்கள்.

43.திங்கள் நாகவல்லி : மாப்பிள்ளை வீட்டார், பெண் வீட்டைச் சேர்ந்த முக்கிய உறவினர்களை அழைத்து, தாலியைப் பிரித்துக் கோர்க்கும் நிகழ்ச்சியை நடத்துவார்கள். பொன் ஆசாரியை வீட்டுக்கே வரவழைப்பர். நல்ல நேரம் பார்த்து, பெண்ணும், மாப்பிள்ளையும் முகூர்த்தப் பட்டுடுத்தி கிழக்கு நோக்கி உட்கார வைக்கப்படுவார்கள். பெண்ணின் கழுத்தில் ஒரு மஞ்சள் கிழங்கை மஞ்சள் கயிற்றில் கட்டிவிடுவார் மாப்பிள்லை. தாலியில் குண்டு, குழாய் போன்றவற்றைத் தாலியுடன் சேர்த்து, மேலும் சில கருகுமணிகள் சேர்த்து தங்கம் அல்லது வெள்ளிக் கம்பியில் கோர்த்து, கருகுமணிச் செயினில் ஆசாரி பிணைத்துக் கொடுப்பார். மாப்பிள்ளை அதைப் பெண் கழுத்தில் அணிவிப்பார். பெண்ணின் நெற்றியிலும், மாங்கல்யத்திலும் அனைவரும் குங்குமம் வைப்பார்கள். மாப்பிள்ளை வீட்டார், பெண் வீட்டாருக்கு விருந்து வைப்பார்கள்.

சரி, திருமண வைபவ நிகழ்ச்சிகளைப் பற்றின விவரங்களை  சின்சியராகப் பார்த்தோம். சடங்கு, சம்பிரதாயம் போன்றவற்றில்  நமக்குத் தெரிந்தவைகளையும், மற்றவர் சொல்லிக் கொடுப்பவைகளையும் கடைப் பிடிப்போம்.  திருமணம் போன்ற வைபவங்களில் தான் பல உறவினர்களையும், நண்பர்களையும் கண்டுகளிக்க முடிகிறது. அவர்களுடன் சந்தோஷமாகப் பேசிக் களித்து மலரும் நினைவுகளைப் பகிர்ந்து கொள்வோம். அதோடு கூட திருமண நிகழ்வுகளின் இடையிடையே வேடிக்கைப்பேச்சு, பாட்டு, நாட்டியம், விளையாட்டு என்று  நம்வீட்டுப் பெரயவர்களையும், சுட்டிகளையும் வைத்து நடத்தி, சந்தோஷ அலைகளைப் பரப்புவோம்.

மாத்வா முறைப்படி  நடக்கும் திருமணத்தின் நிகழ்வுகளைப் பற்றிப் பார்த்தோம். சில பழக்க, வழக்கங்கள் உங்கள் வீட்டுப் பழக்க, வழக்கங்களிலிருந்து வித்தியாசப் பட்டிருக்கலாம். நான் சொன்னதில்  சரி என்று பட்டவற்றை எடுத்துக் கொள்ளுங்கள். மற்றவற்றை விட்டுவிடுங்கள். மீண்டும் சந்திப்போம்.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s